Докторанттардың диссертациялық зерттеулерін апробациялауға арналған Research Workshop өтті

2026 жылғы 3 сәуірде Л.Н. Гумилев атындағы Еуразия ұлттық университетінің базасында Қазақстан Республикасы Президентінің жанындағы Мемлекеттік басқару академиясымен бірлесіп докторанттардың докторлық диссертацияларының нәтижелерін апробациялауға арналған ЖОО аралық ғылыми семинар (Research Workshop) өтті. Семинар «Нобель» атындағы №605 аудиторияда ұйымдастырылды.

Құттықтау сөзбен Экономика және туризм жоғары мектебі директорының ғылыми жұмыс жөніндегі орынбасары Төлепов Әділ Ерболатұлы және Мемлекеттік басқару академиясы Басқару институтының директоры Садыкова Құралай Қажымханқызы сөз сөйледі.

Семинар бағдарламасы:

15:10–15:20 Елубаева Алмагуль Мукашкызы, «8D04114 – Экономика» білім беру бағдарламасының 3-курс докторанты

Тақырыбы: «Орталық мемлекеттік органдар қызметінің тиімділік аудиті тетігін жетілдіру»

15:20–15:30 Жугунисова Жанаргуль Вячеславовна, «8D04113 – Мемлекеттік басқару» білім беру бағдарламасының 3-курс докторанты

Тақырыбы: «Тиісті салық саясаты: Қазақстан жағдайында әзірлеу және іске асыру»

15:30–15:40 Шамбыл Қажыкелді Әділханұлы, «8D04102 – Экономика» білім беру бағдарламасының 2-курс докторанты

Тақырыбы: «Инвестициялық жобаларды бағалау – мүмкіндіктер мен балама шығындар»

15:40–15:50 Магзумова Ляззат, «8D04114 – Қаржы» білім беру бағдарламасының 2-курс докторанты

Тақырыбы: «Қазақстанда жасыл қаржыландыруды дамытудағы инвестициялық-бюджеттік тәсілдің рөлі»

15:50–16:00 Арзаева Талантты Мырзалиевна, «8D04114 – Қаржы» білім беру бағдарламасының 1-курс докторанты

Тақырыбы: «Ауыл шаруашылығын инклюзивті дамыту моделін қалыптастыру мен енгізудің қаржылық механизмі»

16:00–16:10 Злобин Бакыт Николаевич, «8D04102 – Экономика» білім беру бағдарламасының 1-курс докторанты

Тақырыбы: «Цифрлық шешімдерді енгізу – Қазақстандағы әлеуметтік қызметтердің қолжетімділігін арттырудың мемлекеттік тетіктерінің маңызды элементі»

16:10–16:20 аралығында сұрақ-жауап сессиясы өтіп, қатысушылар ұсынылған зерттеулердің ғылыми жаңалығы мен практикалық маңыздылығын талқылады.

Іс-шара жас зерттеушілерді, ғылыми жетекшілерді, сарапшылар мен академиялық қауымдастық өкілдерін біріктірді. Қатысушылар кәсіби пікір алмасып, сындарлы кері байланыс алып, ғылыми зерттеулер сапасын арттыру жолдарын талқылады.

Семинар барысында докторанттар диссертациялық жұмыстардың негізгі ережелерін – тақырыптың өзектілігін, зерттеу сұрақтарын, әдіснамасын, алынған нәтижелерді және олардың практикалық маңыздылығын ұсынды. Ғылыми жаңалыққа, тұжырымдардың дұрыстығына және зерттеулерді одан әрі дамыту перспективаларына ерекше назар аударылды.

Дөңгелек үстел «Экономист+» пікірталас алаңында өтіп, әр баяндамадан кейін интерактивті талқылаумен жалғасты. Мұндай формат сыни ойлауды дамытуға, академиялық байланыстарды нығайтуға және зерттеу құзыреттерін қалыптастыруға ықпал етті.

Талқылауға жетекші оқытушылар мен сарапшылар қатысты. Олардың қатарында «Мемлекеттік аудит» кафедрасының меңгерушісі Спатаева Сауле Бакытовна, профессор Сембиева Ляззат Мыктыбековна, сондай-ақ серіктес жоғары оқу орындарының өкілдері бар:

Зейнельгабдин Алтай Болтайханұлы – экономика ғылымдарының докторы, профессор, Мемлекеттік басқару академиясы;

Дуламбаева Раушан Тлегенқызы – экономика ғылымдарының докторы, профессор, Мемлекеттік басқару академиясы.

Аимкулов Рахат Ашкенович – Тұран-Астана Университетінің Жоғары бизнес және цифрлық технологиялар мектебінің деканы, PhD

Бахтиярова Әйгерім Жорақызы – ҚР Президентінің жанындағы МБА Мемлекеттік басқару, цифрландыру және жасанды интеллект саласындағы қолданбалы зерттеулер институты директорының орынбасары

Жунусова Асель Жумаевна – Тұран-Астана Университетінің Бизнес-әкімшілендіру кафедрасының меңгерушісі, бейіні бойынша доктор

Жұмабаев Серік Әсетұлы - Астана халықаралық университетінің профессоры, ф.м.ғ.к.

Кусаинова Лариса Ислямовна – Қ.Құлажанов атындағы Қазақ технология және бизнес университетінің «Экономика және басқару» кафедрасының доценті, э.ғ.к.

Осындай ғылыми семинарларды өткізу докторанттардың ғылыми әлеуетін дамытуға, ЖОО-лар арасындағы ынтымақтастықты нығайтуға және мемлекеттік аудит саласындағы зерттеулер сапасын арттыруға ықпал етеді.